Рубрыкі Старонкі газеты
Веб-архіў Пералік нумароў
Grodnensis Каталіцкі партал
|
ГРОДНА
Чацвер,
25 красавіка 2024 года |
артыкулы рубрыкі "Слова рэдактара" >> |
 |
Просім дасылаць пытанні на адрас:
230025 г. Гродна, вул К. Маркса, 4. e-mail: slowo.grodnensis@gmail.com |
Слова для Жыцця (65)
Актуальна - Слова для Жыцця
Рэдакцыя
16 лютага 2014
|
Папа ФранцішакМы, усе ахрышчаныя, з’яўля-емся вучнямі і місіянерамі, мы былі пакліканы, каб станавіцца ў свеце жывым Евангеллем: сваім святым жыццём мы дадаём “смаку” розным асяроддзям і сцеражэм іх ад псавання, як гэта робіць соль, а таксама мы нясём святло Хрыста сведчаннем сапраўднай любові. Але калі хрысціяне губляюць смак і гаснуць, то іх прысутнасць губляе сваю эфектыўнасць. Гэта наша місія. І яна цудоўная!
Але цудоўная таксама і ахова святла, якое мы атрымалі ад Езуса, захоўванне і ахова яго. Хрысціянін павінен быць асвечанай асобай, якая нясе святло, якая заўсёды дае святло! Святло, якое не паходзіць ад самога чалавека, але з’яўляецца дарам Бога, дарам Езуса. І мы нясём гэтае святло. Калі хрысціянін гасіць яго, жыццё губляе сэнс: ён становіцца хрысціянінам толькі паводле назвы, які не нясе святла. Гэта жыццё без сэнсу. Я хацеў бы цяпер запытацца ў Вас: як вы хочаце жыць? Як запалены светач ці як пагашаны? [...]
Гэта менавіта Бог дае гэтае святло, а мы перадаём яго іншым. Запалены светач! Вось яно – хрысціянскае пакліканне!
“Анёл Панскі” са Святым Айцом, 09.02.2014 †
Варта ведаць (19)
Актуальна - Варта ведаць
кс. Ян Раманоўскі
16 лютага 2014
|
• У Пакістане была выкрадзена і прымушана да прыняцця ісламу 16-гадовая хрысціянка Самарыя Надзім Масіч. Падзея адбылася, калі дзяўчына накіроўвалася ў школу. Сям’я дзяўчыны звярнулася ў паліцыю, аднак паліцыя не прыняла ніякіх мер, паколькі ініцыятарам выкрадання з’яўляецца багаты чалавек. Сям’і выкрадзенай дзяўчыны было адмоўлена ў дапамозе, нават нягледзячы на тое, што факт афіцыйна пацверджаны. Паводле некаторых даных, сёння такія здарэнні становяцца ўсё больш частымі ў гэтай краіне.
• Чатырохгадовая дзяўчынка з Канады Джэсіка Саба звярнулася да караля Бельгіі з просьбай не падпісваць закон, што дазваляе эўтаназію дзяцей. Дзяўчынка нарадзілася з парокам сэрца, і калі б такі закон існаваў у Канадзе, яна магла быць забіта. Да звароту далучыліся бацькі дзяўчынкі. Гэта звязана таксама з тым, што ўлады правінцыі Квебек таксама разглядаюць увядзенне такога закона. †
• Чатырохгадовая дзяўчынка з Канады Джэсіка Саба звярнулася да караля Бельгіі з просьбай не падпісваць закон, што дазваляе эўтаназію дзяцей. Дзяўчынка нарадзілася з парокам сэрца, і калі б такі закон існаваў у Канадзе, яна магла быць забіта. Да звароту далучыліся бацькі дзяўчынкі. Гэта звязана таксама з тым, што ўлады правінцыі Квебек таксама разглядаюць увядзенне такога закона. †
З каталіцкага друку (63)
Актуальна - Прэса
Рэдакцыя
16 лютага 2014
|
Духавенства на Зімовыхалімпійскіх гульнях
Больш за сто духоўных асоб з пяці галоўных рэлігій свету будуць спадарожнічаць удзельнікам зімовых Алімпійскіх (7–23 лютага) і Параалімпійскіх (7–17 лютага) гульняў у Сочы. Душпастары будуць дапамагаць спартсменам як духоўна, так і псіхалагічна, да іх таксама змогуць звярнуцца і госці Алімпіяды.
Для патрэб вернікаў пабудавалі тры цэнтры. Там, у спецыяльна прызначаных для гэтага памяшканнях, змогуць маліцца праваслаўныя, мусульмане, яўрэі і будысты. Прадстаўнікі іншых веравызнанняў, пазначаныя ў планах як “хрысціяне-2”, павінны будуць задаволіцца значна меншымі памяшканнямі.
Найбольш пышна рэпрэзентуецца новая алімпійская святыня – праваслаўная царква, адданая да выкарыстання 7 студзеня, размешчаная на ўскрайку Алімпійскага парку. Душпастарскай дапамогай для католікаў будзе каталіцкая парафія ў Сочы, якая існуе з 1997 г. Яўрэйская супольнасць, у сваю чаргу, выслала на Алімпіяду дванаццаць рабінаў з усяго свету.†
Еўрачэмпіянат ужо неўзабаве!
Актуальна - З жыцця Касцёла
grodnensis.by
16 лютага 2014
|
У канцы лютага Беларусь прыме VIII Чэмпіянат Еўропы па міні-футболе сярод святароў. У сталіцы спаборніцтваў, горадзе Лідзе, збяруцца каля 200 святароў з Польшчы, Украіны, Харватыі, Аўстрыі, Партугаліі, Славакіі і іншых краін – усяго 13 каманд. Турнір будзе праходзіць 4 дні, палову з якіх адвядуць на малітву і культурную праграму.Ужо некалькі месяцаў кіпіць праца па падрыхтоўцы да гэтай цікавай і нештодзённай падзеі. Арганізатары прыкладаюць шмат намаганняў дзеля таго, каб правесці Чэмпіянат на самым высокім узроўні. Як вядома, 2014 год у нашай краіне з’яўляецца Годам гасціннасці, таму з боку арганізатараў ды дзяржаўных улад робіцца ўсё магчымае, каб увасобіць ідэю ў жыццё: стварыць умовы для таго, каб святары-футбалісты маглі пагуляць у футбол на прафесійным узроўні, а таксама пазнаёміцца з нашай краінай і людзьмі. Перш за ўсё, Міністэрства спорту і турызму ўзяло на сябе адказнасць за мноства спраў, актыўна дапамагаюць мясцовыя ўлады Ліды. Мэр горада, Аляксандр Астроўскі, прыкладае шмат намаганняў для таго, каб удзельнікі Чэмпіянату адчулі сябе ў Беларусі як дома, убачылі адкрытасць, дабрыню і гасціннасць беларусаў. †
План VIII Чэмпіянату па міні-футболе сярод святароў у Беларусі
Актуальна - З жыцця Касцёла
Рэдакцыя
16 лютага 2014
|
(Ліда, 24–28 лютага 2014 г.)
|
Чытаць цалкам: План VIII Чэмпіянату па міні-футболе сярод святароў у Беларусі
Сакрамант намашчэння хворых ці апошняе намашчэнне?
Зваротная сувязь - Задай пытанне
кс. Ян Раманоўскі
16 лютага 2014
|
Наведваючы пажылых людзей з сакраментальнай паслугай, я не аднойчы сустракаўся з сітуацыяй, калі на прапанову ўдзяліць сакрамант намашчэння некаторыя з іх ці іх блізкія казалі, што пакуль не трэба. Такая ж сітуацыя здарылася і з адной пажылой хворай асобай, якая ўжо некалькі гадоў не прыступала да споведзі і св. Камуніі па прычыне здароўя, а яе сям’я тлумачыла гэта бояззю, што пасля візіту святара і прыняцця намашчэння яна ў хуткім часе памрэ. Асноўнай прычынай такога мыслення, на маю думку, з’яўляецца тое, што многія католікі на самой справе не разумеюць сэнсу і значэння сакраманту намашчэння хворых, лічачы, што гэты сакрамант прызначаны менавіта для паміраючых. Але трэба памятаць, што галоўным матывам і мэтай гэтага сакраманту з’яўляецца ўмацаванне хворага ў перажыванні яго хваробы і пакуты, а таксама магчымасць атрымаць ласкі і дары, патрэбныя для гэтага. Прычым не толькі тады, калі ўсе ўжо ўпэўнены, што дні гэтай асобы “падлічаны”. На гэтую тэму выразна і канкрэтна гаворыць нам Катэхізіс Каталіцкага Касцёла: намашчэнне хворых “не з’яўляецца сакрамантам, прызначаным толькі для тых, хто знаходзіцца ў небяспецы страты жыцця. Самы адпаведны час для прыняцця гэтага сакраманту – той час, калі верніку пачынае пагражаць небяспека смерці з-за хваробы ці старасці” (ККК 1517). †
Чытаць цалкам: Сакрамант намашчэння хворых ці апошняе намашчэнне?
Зайздрасць і злосць ці цярплівасць і дабрыня?
Адпачынак - Дзіцячы куточак
Анна Віткоўская
16 лютага 2014
|
“Бо дзе зайздрасць і сваркі, там бязладдзе і ўсякая злачыннасць” (Як 3, 16)
Надумала кошка Мурка сабаку Шарыка з будкі выжыць. І навошта б, здавалася, ёй гэта: сама ў вялікай хаце разам з гаспадаром жыве, а Шарык у малюсенькай будцы. Але ўся справа была ў тым, што хата не яе, а будка – Шарыка.
І стала яна гаспадарам нашэптваць, што Шарык зусім стары ды гультаяваты стаў, а яшчэ і добры не ў меру, таму чужыя людзі іх двор прахадным зрабілі.
Скончылася ўсё гэта тым, што забралі Шарыка з будкі. А на ланцуг замест яго Мурку пасадзілі. Разумны быў гаспадар. Ён зразумеў, што такая злая кошка будзе лепш за сабаку хату вартаваць. А добрага і цярплівага Шарыка пусцілі жыць у сенцы хаты.
Ці можна гаварыць няпраўду?
Адпачынак - Дзіцячы куточак
Анна Віткоўская
16 лютага 2014
|
“Агідныя Пану вусны ілжывыя, а хто гаворыць праўду, даспадобы Яму”(Прып 12, 22)
Бацька Антося пачуў, як яго сын распавядаў сябрам, што Міхась, новенькі ў групе, махляваў падчас гульні ў лапту. Але бацька, які бачыў гульню, ведаў, што Міхась паводзіў сябе сумленна. У той жа вечар ён пагаварыў пра гэта з Антосем. Аднак хлопчыка, відаць, амаль не турбавала тое, што ён гаварыў няпраўду.
– Добра, можа, ён і не махляваў. Я бяру свае словы назад, – сказаў Антось з лёгкасцю.
– Праўда? – здзівіўся бацька. – А ці ведаеш ты, што гэта зусім не лёгкая справа – узяць свае словы назад?
Ён павёў Антося ў ванны пакой. Там ён даў хлопчыку цюбік зубной пасты.
– Выцісні крышачку пасты ў ракавіну, – папрасіў ён сына.
Антосю гэта падалося дзіўным, але ён выканаў просьбу бацькі.
– А зараз, сынок, паспрабуй запхнуць зубную пасту назад у цюбік. †
– Добра, можа, ён і не махляваў. Я бяру свае словы назад, – сказаў Антось з лёгкасцю.
– Праўда? – здзівіўся бацька. – А ці ведаеш ты, што гэта зусім не лёгкая справа – узяць свае словы назад?
Ён павёў Антося ў ванны пакой. Там ён даў хлопчыку цюбік зубной пасты.
– Выцісні крышачку пасты ў ракавіну, – папрасіў ён сына.
Антосю гэта падалося дзіўным, але ён выканаў просьбу бацькі.
– А зараз, сынок, паспрабуй запхнуць зубную пасту назад у цюбік. †
Біскуп Алег Буткевіч прыняў пасвячэнне ў Віцебскай катэдры
Актуальна - З жыцця Касцёла
кс. Віктар Місевіч (catholicnews.by)
02 лютага 2014
|
Біскуп Алег Буткевіч 18 студзеня ў Віцебскай катэдры прыняў біскупскае пасвячэнне з рук Апостальскага нунцыя ў Беларусі Клаўдыа Гуджэроці. Дапаможнымі пасвячаючымі на ўрачыстасці былі Мітрапаліт Мінска-Магілёўскі арцыбіскуп Тадэвуш Кандрусевіч і біскуп Гродзенскі Аляксандр Кашкевіч. На свяце прысутнічалі таксама прадстаўнікі дыпламатычнага корпуса і дзяржаўнай улады. З віншавальным пасланнем ад біскупа Віцебскага Дзмітрыя на ўрачыстасць прыбылі прадстаўнікі праваслаўнай Царквы.Папская була
Як вядома, само абвяшчэнне біскупа намінанта адбылося 29 лістапада ў віцебскай катэдры. Тады гэтае рашэнне папы Францішка абвясціў Апостальскі нунцый Клаўдыа Гуджэроці. 18 студзеня падчас урачыстасці біскупскіх пасвячэнняў была зачытана Папская була – спецыяльны дакумент на лацінскай мове. Пераклад булы на беларускую мову зачытаў ксёндз прэлат Францішак Кісель. Папа ў буле напісаў, што біскуп Алег Буткевіч “хвалебнымі здольнасцямі надзелены і ў святых рэчах дасведчаны, быў прызнаны адпаведным, каб ёю [катэдрай Віцебскага Касцёла] кіраваць”. Абрад пасвячэння ў біску-пы надзвычай прыгожы і красамоўны ў сваіх літургічных жэстах і словах. А калі ўявіць сабе, што адбываецца ён раз на дзесяцігоддзі, то становіцца зразумела, чаму, нягледзячы на зімовую сцюжу, так шмат вернікаў сабралася ў катэдральным касцёле Віцебска. †
Як вядома, само абвяшчэнне біскупа намінанта адбылося 29 лістапада ў віцебскай катэдры. Тады гэтае рашэнне папы Францішка абвясціў Апостальскі нунцый Клаўдыа Гуджэроці. 18 студзеня падчас урачыстасці біскупскіх пасвячэнняў была зачытана Папская була – спецыяльны дакумент на лацінскай мове. Пераклад булы на беларускую мову зачытаў ксёндз прэлат Францішак Кісель. Папа ў буле напісаў, што біскуп Алег Буткевіч “хвалебнымі здольнасцямі надзелены і ў святых рэчах дасведчаны, быў прызнаны адпаведным, каб ёю [катэдрай Віцебскага Касцёла] кіраваць”. Абрад пасвячэння ў біску-пы надзвычай прыгожы і красамоўны ў сваіх літургічных жэстах і словах. А калі ўявіць сабе, што адбываецца ён раз на дзесяцігоддзі, то становіцца зразумела, чаму, нягледзячы на зімовую сцюжу, так шмат вернікаў сабралася ў катэдральным касцёле Віцебска. †
Чытаць цалкам: Біскуп Алег Буткевіч прыняў пасвячэнне ў Віцебскай катэдры
Біскуп Юрый Касабуцкі пасвечаны ў Мінску
Актуальна - З жыцця Касцёла
Анастасія Грышан, паводле catholic.by
02 лютага 2014
|
25 студзеня ў архікатэдральным касцёле ў Мінску адбылося біскупскае пасвячэнне кс. Юрыя Касабуцкага, прызначанага дапаможным біскупам Мінска-Магілёўскай архідыяцэзіі. Галоўным пасвячаючым быў Мітрапаліт Мінска-Магілёўскі арцыбіскуп Тадэвуш Кандрусевіч, асістуючымі – старшыня Канферэнцыі Каталіцкіх Біскупаў Беларусі біскуп Гродзенскі Аляксандр Кашкевіч і Генеральны сакратар ККББ біскуп Пінскі Антоні Дзям’янка.На пачатку св. Імшы Мітрапаліт Тадэвуш Кандрусевіч заклікаў прысутных маліцца аб тым, каб новы біскуп “быў сапраўдным апосталам Паўлам”, “прапаведнікам Евангелля, якога так патрабуе сучасны свет”, “каб Бог падарыў яму неабходныя сілы, мудрасць і святасць”.
Абрад пасвячэння новага біскупа, якога прызначыў 29 лістапада папа Францішак, пачаўся гімнам да Духа Святога. Прадстаўнік прэзбітэрыя Мінска-Магілёўскай архідыяцэзіі кс. прэлат Эдмунд Даўгіловіч звярнуўся да галоўнага пасвячаючага з просьбай удзяліць кс. Юрыю Касабуцкаму біскупскае пасвячэнне. †
Абрад пасвячэння новага біскупа, якога прызначыў 29 лістапада папа Францішак, пачаўся гімнам да Духа Святога. Прадстаўнік прэзбітэрыя Мінска-Магілёўскай архідыяцэзіі кс. прэлат Эдмунд Даўгіловіч звярнуўся да галоўнага пасвячаючага з просьбай удзяліць кс. Юрыю Касабуцкаму біскупскае пасвячэнне. †
Вярэйкі
Гісторыя - Парафіі і святыні
Паводле архіва Гродзенскай дыяцэзіі
02 лютага 2014
|
Дэканат ВаўкавыскЗвестак аб існаванні тут каталіцкіх святынь да ХIХ ст., калі Вярэйкі сталі ўласнасцю роду Біспінгаў, у архіўных крыніцах пакуль не знойдзена. У чэрвені 1826 г. мясцовыя вернікі рымска-каталіцкага веравызнання атрымалі дазвол на заснаванне ўласнай святыні. Закладзенаму касцёлу надалі статус філіяльнага ад рэплеўскай парафіі. Касцёл пад тытулам Найсвяцейшага Імя Марыі Панны – аднавежавая безапсідная з трансептам цагляная і атынкаваная святыня ў класіцыстычным стылі – быў збудаваны ў 1848 г. на ўзвышшы ў цэнтры вёскі на сродкі Аляксандры з Біспінгаў Светчынавай (хутчэй за ўсё, яна, як фундатарка, пасля смерці была пахавана каля касцёла, а калі касцёл быў адабраны пад царкву, надмагілле панны Аляксандры было знішчана, а астанкі перапахаваны ў родавым склепе Біспінгаў пры касцёле ў Вялікіх Эйсмантах Бераставіцкага дэканата. Па іншых звестках, пасля смерці яе адразу маглі пахаваць у Вялікіх Эйсмантах. Так ці інакш, цяпер пліта з яе надмагілля знаходзіцца перад касцёлам у Вялікіх Эйсмантах на надмагіллі Біспінгаў). †
Супольная малітва аб прымірэнні і еднасці
Актуальна - З жыцця Касцёла
Кінга Красіцкая
02 лютага 2014
|
Экуменічнае набажэнства ў межах Тыдня малітвы аб еднасці хрысціян адбылося ў гродзенскай катэдры 23 студзеня. Падчас малітоўнай сустрэчы вернікі і духоўныя асобы розных хрысціянскіх веравызнанняў прасілі Езуса Хрыста, адзінага і непадзеленага Збаўцу свету, аб’яднаць і прабудзіць усіх хрысціян да сумеснага клопату аб еднасці.Экуменічнае набажэнства ўзначаліў біскуп Гродзенскі Аляксандр Кашкевіч. Да супольнай малітвы далучыліся таксама прадстаўнікі іншых хрысціянскіх канфесій: праваслаўны святар айцец Аляксандр Хомбак, настаяцель храма св. Лукі пры абласным шпіталі, і пастар лютэранскай супольнасці Уладзімір Татарнікаў. †
Наступныя артыкулы...
Старонка 193 з 300:
Літургічны каляндар
 | |
Адзначаем
імяніны: | |
Да канца года засталося дзён: 250 | |
Чакаем Вашай падтрымкі
Дарагія Чытачы!Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.
