А колькі мерапрыемстваў праводзіцца ў нашым касцёле! Яны не забудуцца, бо пакідаюць у сэрцах вернікаў глыбокі след.
Прыгожа і ўрачыста пробашч праводзіць хрышчэнне дзетак, удзяляе шлюб маладым. Не так даўно ў касцёле прайшло свята Першай Камуніі.
Гэта свята не толькі для дзяцей, якія першы раз прынялі Цела Езуса Хрыста ў свае сэрцы, але і для ўсёй нашай парафіі. Увогуле, усё, што ладзіцца ў касцёле, праводзіцца з вялікай любоўю і адказнасцю.
Трэба адзначыць таксама зладжаную работу святара і касцёльнага камітэта як пры падрыхтоўцы і правядзенні свят, так і ў штодзённым жыцці пры вырашэнні розных праблем. Хіба не ўдасца пералічыць усё, што праведзена і зроблена за такі кароткі час у нашым касцёле. А якія ў пробашча планы! Незразумела толькі, калі ён адпачывае, таму што кіраваць такой вялікай парафіяй аднаму вельмі цяжка.
Мы, вернікі, дзякуем Богу за тое, што паслаў на наш шлях такога цудоўнага святара і сапраўднага гаспадара нашага касцёла. Выказваем падзяку святару за распалены агонь веры, шчырую малітву, адкрытае сэрца і самаадданае служэнне Богу і людзям. Таксама выказваем падзяку ксяндзам Андрэю Аніскевічу і Валерыю Аброшку за падтрымку і дапамогу нашаму святару.
Спадзяёмся, што ксёндз Павел яшчэ доўга будзе выпраменьваць святло любові і саграваць цяплом усіх нас. Нізкі паклон за нястомную працу, духоўную апеку, шчырую малітву, цярплівасць, дабрыню і разуменне.
Няхай Ваш святарскі шлях, паважаны ксёндз Павел, будзе асвечаны прамянямі Божай міласэрнасці.