ГРОДНА
Аўторак,
23 красавіка 2024 года |
Аб’яднацца цераз малітву
Кожны год па ініцыятыве Ватыкана з 18 да 25 студзеня праходзіць Тыдзень малітваў за адзінства хрысціянаў. У гэтым годзе яго дэвізам былі словы:
“І вы – сведкі гэтага”
(Лк 24, 48)
Галоўны матыў тыдня – місіянерства і адзінства, таму што менавіта місіянеры, абвяшчаючы Божае слова сярод хрысціянаў ва ўсім свеце, былі першымі, якія імкнуліся такім спосабам іх аб’яднаць.
На працягу васьмі дзён вернікі маліліся за адзінства ў шматлікіх святынях свету, у тым ліку і ў Беларусі. У нашай дыяцэзіі цэнтральным пунктам святкавання тыдня было экуменічнае набажэнства, якое адбылося вечарам 24 студзеня б.г. у катэдральнай базыліцы ў Гродне. У літургіі Божага слова, галоўным цэлебрантам якой быў біскуп Аляксандр Кашкевіч, удзельнічалі прадстаўнікі лютэранскай супольнасці, праваслаўнага і грэка-каталіцкага Касцёлаў. А перад гэтым усе святары прайшлі ў працэсіі да алтара, супольна з вернікамі спяваючы гімн да Святога Духа. Фрагмент Евангелля паводле св. Яна, які згадвае пра адзінства хрысціянаў, быў прачытаны на трох мовах: польскай, стараславянскай і беларускай. У гамілі кожнага з прадстаўнікоў хрысціянскіх супольнасцяў падкрэслівалася, што найлепшым спосабам падтрымкі адзінства хрысціянаў з’яўляецца абвяшчэнне навукі Хрыста, які для ўсіх ёсць адзіны Настаўнік. †
На працягу васьмі дзён вернікі маліліся за адзінства ў шматлікіх святынях свету, у тым ліку і ў Беларусі. У нашай дыяцэзіі цэнтральным пунктам святкавання тыдня было экуменічнае набажэнства, якое адбылося вечарам 24 студзеня б.г. у катэдральнай базыліцы ў Гродне. У літургіі Божага слова, галоўным цэлебрантам якой быў біскуп Аляксандр Кашкевіч, удзельнічалі прадстаўнікі лютэранскай супольнасці, праваслаўнага і грэка-каталіцкага Касцёлаў. А перад гэтым усе святары прайшлі ў працэсіі да алтара, супольна з вернікамі спяваючы гімн да Святога Духа. Фрагмент Евангелля паводле св. Яна, які згадвае пра адзінства хрысціянаў, быў прачытаны на трох мовах: польскай, стараславянскай і беларускай. У гамілі кожнага з прадстаўнікоў хрысціянскіх супольнасцяў падкрэслівалася, што найлепшым спосабам падтрымкі адзінства хрысціянаў з’яўляецца абвяшчэнне навукі Хрыста, які для ўсіх ёсць адзіны Настаўнік. †
Падчас паўсюднай малітвы ўсе прасілі Бога аб ласцы заўважыць дзейнасць Святога Духа ў іншых супольнасцях Касцёла і няспынна імкнуцца да адзінства. Малітва “Ойча наш...” была адгаворана на польскай, беларускай і рускай мовах, што павінна было сведчыць пра тое, што, нягледзячы на прыналежнасць да розных культураў і народаў, кожны хрысціянін верыць у аднаго Бога. Важным пунктам экуменічнага набажэнства быў абрад святла: на знак адзінства і Святла Хрыста перш за ўсё біскуп, святары і прадстаўнікі хрысціянскіх супольнасцяў, а потым і вернікі запалілі ад пасхала свечкі, што нагадвала пра словы Езуса на Гары да сваіх вучняў, каб яны былі “святлом свету “ (Мц 5, 13 – 14).
Як зазначыў Бэнэдыкт XVI у гаміліі падчас заканчэння Тыдня малітваў аб адзінстве хрысціянаў у базыліцы імя св. Паўла за Мурамі ў 2008 г.: “Лодка экуменізму не адчаліла б ніколі ад берага, калі б яе не прывяла ў рух плынь малітвы і подых Святога Духу”. Нягледзячы на тое, што сёлетні Тыдзень малітваў ужо закончыўся, як хрысціяне мы павінны памятаць, што наш святы абавязак – гэта няспынная малітва за гэтае адзінства на працягу ўсяго году.
Як зазначыў Бэнэдыкт XVI у гаміліі падчас заканчэння Тыдня малітваў аб адзінстве хрысціянаў у базыліцы імя св. Паўла за Мурамі ў 2008 г.: “Лодка экуменізму не адчаліла б ніколі ад берага, калі б яе не прывяла ў рух плынь малітвы і подых Святога Духу”. Нягледзячы на тое, што сёлетні Тыдзень малітваў ужо закончыўся, як хрысціяне мы павінны памятаць, што наш святы абавязак – гэта няспынная малітва за гэтае адзінства на працягу ўсяго году.
< Папярэдняя | Наступная > |
---|
Літургічны каляндар
Адзначаем
імяніны: | |
Сёння ўспамінаем памерлых святароў: | |
Да канца года засталося дзён: 253 |
Чакаем Вашай падтрымкі
Дарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.