Задай пытанне

Невядома, ці эмбрыён укараніцца ў матцы, ці не. Часцей за ўсё імплантацыя не ўдаецца, і эмбрыён гіне. Мы не будзем тут закранаць, бо адступілі б ад тэмы, праблемаў, якія датычылі б “дадатковых” дзяцей г. зн. таго, што ж робяць з аплодненымі зародкамі, але не імплантаванымі, хоць гэта ёсць досыць істотная і важная праблема: розныя даследаванні падкрэсліваюць, што на адно жывое дзіця, зачатае метадам in vitro, прыпадае 90 знішчаных зародкаў. Трэба памятаць, што метад in vitro садзейнічае пагаршэнню здароўя як маці, так і зачатага дзіцяці.
    Энцыкліка пра каштоўнасць і непарушнасць чалавечага жыцця (Evangelium Vitae) падкрэслівае, што “ніякі чалавек не можа самастойна вырашаць аб тым, ці ён павінен жыць ці паміраць” (EV 47). Адназначана Касцёл падкрэслівае, што вырашэнне праблемы бясплоднасці шляхам in vitro – немаральная з’ява. Гэта датычыць як спосабу атрымання спермы (праблема мастурбацыі), так і наступных праблемаў: прыроды сексуальнага акту, вартасці сужэнства і яго адказнасці. Заўжды Касцёл акцэнтаваў увагу на тым, што чалавечае жыццё пачынаецца з хвіліны апладнення і менавіта ў гэты момант ідзе размова пра Асобу. Таму паўсталы эмбрыён павінен быць прызнаны чалавекам, які існуе ў свеце.

< Папярэдняя		Наступная >