Папа Бэнэдыкт XVI

    Жаданне пазнаць Бога насамрэч, г.зн. убачыць Яго аблічча, глыбока ўкаранёнае ў кожным чалавеку, нават у атэістах. А мы свядома хочам проста ўбачыць, хто Ён і чым Ён з’яўляецца для нас. Гэтае жаданне здзяйсняецца, калі мы ідзём за Хрыстом. Тады мы бачым Яго плечы, а ўрэшце бачым Бога як нашага сябра. Мы бачым Яго аблічча ў абліччы Хрыста. Важна, каб мы ішлі за Хрыстом не толькі ў хвіліны патрэбы і тады, калі мы знаходзім на гэта час сярод нашых штодзённых заняткаў, але каб мы рабілі гэта ўсім нашым жыццём.
   
    Паводле польскай секцыі Radio Vaticano, фрагмент генеральнай аўдыенцыі, 16.01.2013 †

  
   Кс. бп Антоній Дзям’янка
   Сёння мы просім аб мужных святарах: адданых Богу i людзям; якія кіруюцца верай і любоўю; якія з адвагай выконваюць загады кіраўнікоў; удзячных Божаму Провіду за давер i запрашэнне ўдзельнічаць у рэалізацыі справы збаўлення.

    Фрагмент ліста з нагоды 70-й гадавіны смерці кс. Вітольда Івіцкага, 14.01.2013

 

---

   Кс. Генрых Дамброўскі
   Жывучы сярод хрысціян, братоў з розных Касцёлаў, цяжка заставацца ўбаку. Заклік, каб мы былі адно, даходзіць да ўсіх. І цяжка не адказаць. Тым больш, што мы жывём у свеце падзеленым і дыферэнцаваным. Такі сучасны свет патрабуе адназначнага сведчання супольнасці паслядоўнікаў Хрыста. Касцёлам цяжка было б несці евангельскае пасланне Хрыста без імкнення да еднасці сярод братоў. Зрэшты, II Ватыканскі Сабор не пакінуў сумненняў у гэтым пытанні: няма Касцёла без экуменізму, без пошукаў таго, што нас яднае.

    Фрагмент інтэрв’ю для wiara.pl, 17.01.2013

 

---

   А. Віктар Бурлака OFM
   Калі бачыш, з якой шчырасцю і цеплынёй вітаюць абраз людзі, то ўласнае адчуванне абраза толькі ўзбагачаецца. Абраз Маці Божай Будслаўскай, якому амаль 400 гадоў, праз стагоддзі ўвабраў у сябе ўсе смуткі і радасці, якія людзі прыносілі Маці Божай на працягу гэтага часу. Абраз намолены – для вернікаў гэта вялікая сіла, вялікая дапамога. Самае галоўнае, што мы можам узяць ад гэтай перэгрынацыі, – гэта ўмацаванне ў нашай веры.

    Фрагмент інтэрв’ю для catholic.by, 16.01.2013