Папа Францішак І
   
    Хрыстос памёр і ўваскрос, раз і назаўсёды для ўсіх, але моц уваскрасення, пераход з няволі зла ў вольнасць дабра, павінен здзяйсняцца заўсёды, у канкрэтных сферах нашага існаваня, у нашым штодзённым жыцці. Як шмат пустынь таксама і сёння павінен перайсці чалавек! Асабліва тую пустыню, якая знаходзіцца ўнутры яго самога, калі не хапае любові да Бога і бліжняга, калі мы не ўсведамляем, што з’яўляемся апекунамі ўсяго таго, чым нас адарыў Стварыцель і што Ён нам дае.
   
    Фрагмент Велікоднага паслання 2013 †

   Кс. абп Клаўдыа Гуджэроці
   Гэтая вестка гучыць таксама і на беларускай зямлі, якая яшчэ і ў гэтыя дні пад сваім снежным покрывам хавае ў сабе безліч ахвяр. Усе яны ў смерці сталіся братамі, бо былі без адрознення забітыя сляпою нянавісцю: католікі, праваслаўныя, пратэстанты, а таксама шматлікія габрэі разам з тымі, хто не належаў ні да якой рэлігіі, але ў добрым сумленні шукаў шлях да праўды. Гэтая вестка напаўняе Беларусь надзеяй, адкрывае яе для будучыні, кажа ёй, што Бог ніколі яе не пакідаў, а таксама абяцае яе народу шчасце, якое Айцец зберагае для сваіх узлюбленых дзяцей.

    Фрагмент Велікодных пажаданняў 2013, паводле Сatholic.by

 

---

 
 Кс. бп Аляксандр Кашкевіч
   Вера ва ўваскра­сенне Хрыста – гэта пацвярджэнне Яго навучання, што праўда і дабро заўсёды атрымліваюць канчатковую перамогу, што праўды і дабра нельга растаптаць, укрыжаваць, забіць.
    Для кожнага вызнаўцы Хрыста Уваскрасенне – гэта заклік да новага, перамененага жыцця на зямлі.

    Фрагмент гаміліі на Вялікдзень 2013 у гродзенскай катэдры

 

---

 
Кс. бп Антоні Дзям’янка
   У супольнасці паўсюднага Касцёла з папам Францішкам мы вызнаём, што Збаўца жыве. Мы таксама разам цешымся прысутнасці Хрыста ў сабе і вакол сябе. Разам праслаўляем Яго і дзякуем, што Ён ёсць заўсёды. Няхай святло Пасхальнай ночы асвятляе нашае жыццё, напаўняе яго радасцю, распальвае ў сэрцах любоў і ўмацоўвае веру, каб мы разам з Апосталамі маглі несці ўсяму свету Радасную Навіну.

    Фрагмент Велікодных пажаданняў 2013, паводле Сatholic.by