Ад шчырага сэрца

❧✿☙

Яго Эксцэленцыі Ксяндзу Біскупу Юзафу Станеўскаму з нагоды 5-ай гадавіны біскупскай сакры ад усяго сэрца жадаем душэўнага супакою, радасці, сіл, моцнага здароўя, шчасця, поспехаў у рэалізацыі ўсіх планаў і намераў, добразычлівых людзей побач. Няхай Бог блаславіць кожны момант жыцця, Марыя адорыць сваёй ласкай і апекай, а Анёл-ахоўнік засцерагае ад усякага зла.

Рэдакцыя “Слова Жыцця”

❧✿☙

Яго Эксцэлецыі Ксяндзу Біскупу Аляксандру Кашкевічу, паважаным Святарам Казіміру Жылісу, Валерыю Быкоўскаму, Юрыю Канапельку, Дзмітрыю Леўчыку, Анджэю Ганчару, Антонію Грэмзу, Юрыю Марціновічу, а таксама рэдакцыйнаму калектыву “Слова Жыцця” ад усяго сэрца перасылаем самыя пяшчотныя пажаданні з нагоды свят Божага Нараджэння і Новага 2019 года. Жадаем моцнага здароўя душы і цела, доўгіх і шчаслівых гадоў жыцця, мудрасці, цярплівасці, пакоры, лагоднасці, прабачэння, узаемапавагі, спакою, Хрыстовай любові ў Вашых добрых і адкрытых сэрцах, поспехаў, шчасця і радасці, унутранай гармоніі, стойкасці і моцы ў змаганні са спакусамі, шчодрых ласкаў ад Бога Айца і Святога Духа, апекі Панны Марыі і святых Заступнікаў. Ад усяго сэрца дзякуем Вам за святыя сакраманты, Вашу любоў, духоўнае кіраўніцтва, парады, настаўленні, клопат аб нашым збаўленні, за нялёгкую працу на ніве Пана для ратавання кожнай заблукалай душы!

З дарам малітвы, Дзмітрый Зотаў разам з таварышамі з ПК-11 у Ваўкавыску

❧✿☙

Глыбока паважаным Ксяндзам Біскупам Аляксандру Кашкевічу і Юзафу Станеўскаму, Ксяндзам Пробашчу Яўгену Учкуронісу, Алегу Яновічу, Валерыю Быкоўскаму, Сястры Магдаліне Кулай і Закрыстыяніну Сяргею Кікілічу з нагоды свят Божага Нараджэння і Новага года перасылаем сардэчныя пажаданні. Няхай Дзіцятка Езус адорвае Вас сваімі ласкамі, супакоем, радасцю і штодзённа бласлаўляе, Панна Марыя стала апекуецца, а святло Святога Духа ніколі не гасне у Вашых сэрцах. Жадаем моцнага здароўя, радасці, душэўнага супакою, цярплівасці, доўгіх гадоў жыцця. Дзякуем за добрыя сэрцы і за тое, што вучыце нас любові да Бога і бліжняга.

Апостальства “Маргарытка” з парафіі св. Яна Паўла ІІ у Смаргоні

❧✿☙

Іх Эксцэленцыям Ксяндзам Біскупам Аляксандру Кашкевічу і Юзафу Станеўскаму з нагоды свят Божага Нараджэння і Новага года складаем сардэчныя пажаданні. Няхай нованароджаны Збаўца, які прыносіць супакой усяму чалавецтву, адорвае Вас сваімі дарамі і здароўем, радасцю і душэўным супакоем, а таксама дабрынёй і зычлівасцю людскіх сэрцаў.

Рэдакцыя “Слова Жыцця”

❧✿☙

Паважанаму Ксяндзу Андрэю Вітэку з нагоды Імянін перасылаем сардэчныя пажаданні: шчодрых Божых ласкаў, дароў Святога Духа, шмат сіл і цярплівасці, радасці і аптымізму на кожны дзень.

Члены Апостальства дапамогі чыстцовым душам з Воранава

❧✿☙

Паважанаму Ксяндзу Прэлату Вітольду Лазавіцкаму з нагоды Імянін складаем сардэчныя пажаданні: моцнага здароўя, душэўнага супакою, штодзённай радасці, няспыннай апекі Найсвяцейшай Маці і святога Заступніка, Божых ласкаў, а таксама моцы ў выкананні штодзённых душпастырскіх абавязкаў.

Жыхары в. Галавенчыцы

❧✿☙

Паважанаму Ксяндзу Дзмітрыю Несцеру з нагоды Імянін і Дня нараджэння складаем сардэчныя пажаданні: добрага здароўя, шчодрых Божых ласкаў, дароў Святога Духа, нястомнай апекі Панны Марыі і святога Заступніка. Няхай кожны дзень будзе напоўнены шчасцем і радасцю. Дзякуем за прыклад набожнасці, добрае сэрца і за тое, што Вы з намі.

Вернікі з в. Вінцукі

❧✿☙

Паважаны Ксёндз Пробашч Павел Звяжынскі! З нагоды 19-ай гадавіны святарскіх пасвячэнняў шчыра дзякуем Вам за тое, што нясеце нам радасць Евангелля, каб маглі трываць у Хрысце і жыць у еднасці з Ім. Мы ўдзячны Богу, Вашай сям’і і ўсім, хто стаяў ля вытокаў Вашага выбару жыццёвага шляху, за тое, што маем такога святара. Цешымся, што Вы ў нас ёсць. Няхай міласэрны Бог адорыць моцным здароўем, бясконцым натхненнем, святло Хрыста няхай асвячае святарскі шлях, а Маці Божая вядзе найлепшай дарогай да святасці і прытуляе да свайго мацярынскага сэрца.

З малітвай і павагай, апостальскі рух “Маргарытка”, Жывы Вяночак Міласэрнасці і вернікі з касцёла св. Юрыя ў Варнянах і капліцы ў Вароне