ГРОДНА
Субота,
05 ліпеня
2025 года
 

Ватыкан

Дарога ў Рым

Ватыкан

Рэдакцыя

17 верасня 2010 |
Фотарэпартаж
Малітва за семінарыю 3-12 верасня 2010 г. выкладчыкі і клерыкі ВДС з Гродна паломнічалі ў Рым, каб разам падзякаваць Богу за 20 год існавання семінарыі, а таксама каб выпрасіць новыя і шматлікія прызванні да службы Богу і людзям. Падчас побыту ў Рыме Яго Эксцэленцыя біскуп Аляксандр Кашкевіч суправаджаў семінарыйную супольнасць.
    На працягу 9 дзён пілігрымы наведалі базыліку св. Марка ў Венецыі, магілу св. Антонія ў Падве, санктуарый св. Францішка і св. Клары ў Асыжы, чатыры галоўныя базылікі ў Рыме, базыліку Ружанцовай Божай Маці ў Пампеі, магілу св. а. Піо, а таксама іншыя мясціны. Як зазначыў ксёндз-рэктар Юзаф Станеўскі: “Гэта было паломніцтва да вытокаў і да сведкаў веры”. Супольнасць нашай семінарыі вярнулася з Рыма нязвыкла ўзбагачаная Божымі ласкамі, а таксама з благаславеннем Святога Айца Бэнэдыкта XVI на чарговыя гады святарскага выхавання. †

Чытаць цалкам: Дарога ў Рым
 

Апостальскае падарожжа Бэнэдыкта XVI на Мальту

Ватыкан

Рэдакцыя

26 красавіка 2010 |
18 красавіка 2010 г. Бэнэдыкт XVI закончыў 26-ці гадзінную пілігрымку на Мальту, звязаную са святкаваннямі 1950-ай гадавіны, калі патануў ля пабярэжжа Мальты карабель, на якім плыў св. Павел. У першы дзень свайго візіту Папа сустрэўся з дзяржаўнымі ўладамі і наведаў г. Рабат і гроту імя св. Паўла, а нядзельнай раніцай 18 красавіка б.г. ажыццявіў св. Імшу ў г. Фларыяна. Пасля паўдня Бэнэдыкт XVI сустрэўся з мальційскай моладдзю ў сталіцы Мальты Ля Валецце, пасля чаго ён вырушыў назад у Рым. Падчас развітальнай цырымоніі з удзелам Прэзідэнта Мальты Жоржа Абэлі Папа звярнуўся да мальційцаў: “Дазвольце мне заахвоціць Вас да таго, каб Вы культывавалі глыбокае ўсведамленне ўласнай самасвядомасці і ўзялі на сябе адказнасць, якая выплывае з яе, асабліва распаўсюджанне каштоўнасцяў Евангелля”.
   

Пяцігоддзе пантыфікату Бэнэдыкта XVI

Ватыкан

Рэдакцыя

26 красавіка 2010 |
19 красавіка 2010г. мінула пятая гадавіна выбару Бэнэдыкта XVI на Апостальскую Сталіцу. У гэты дзень адбыўся ўрачысты абед з удзелам кардыналаў і іншых высокіх прадстаўнікоў рымскай курыі. Кардынал Анжэло Садана, дзекан кардынальскай калегіі, павіншаваў Папу. Ён запэўніў, што Бэнэдыкт XVI можа заўжды разлічваць на падтрымку ўсяго вышэйшага духавенства. “Святы Айцец! Кардынальская калегія з’яўляецца адной вялікай сям’ёй, аб’яднанай з наступнікам Пятра і імкнецца жыць у духу братняга адзінства” – так ён падкрэсліў. Варта нагадаць, што 16 красавіка б.г. Бэнэдыкт XVI адзначыў свой 83-ці дзень нараджэння.
   

Памяці Яна Паўла II

Ватыкан

Рэдакцыя

10 красавіка 2010 |
29 сакавіка 2010 г. пачалі адзначаць пятую гадавіну з дня смерці папы Яна Паўла II св. Імшой у базыліцы імя св. Пятра ў Ватыкане. У сваёй гаміліі Бэнэдыкт XVI падкрэсліў, што ўсё жыццё Божага слугі было перапоўнена любоўю і ўменнем ахвяраваць сябе Богу і людзям. Разам са Святым Айцом св. Імшу канцэлебравалі кардынал Станіслаў Дзівіш, шматгадовы асабісты сакратар польскага Папы. У гэтым годзе гадавіна смерці Яна Паўла II прыпала на Вялікую пятніцу. Па гэтай прычыне св. Імшы за яго беатыфікацыю перанесены на пазнейшы час: прадбачаны дзесьці каля так важнага для Яна Паўла II cвята Божай Міласэрнасці. Варта успомніць пра тое, што 30 сакавіка б.г. была створана інтэрнэтная старонка “Сфера Свабоды”, якую падрыхтаваў цэнтр думкі Яна Паўла II у Варшаве з нагоды 5-ай гадавіны смерці Святога Айца.


   

Цела Яна Паўла II будзе перанесена

Ватыкан

Рэдакцыя

16 сакавіка 2010 |

Пасля беатыфікацыі Яна Паўла II яго цела будзе перанесена з Ватыканскіх гротаў у базыліку імя св. Пятра. 25 лютага б.г. аб гэтым заявіў архіпрэзбітэр святыні кардынал Анжэло Камастры італьянскаму агенцтву “Ansa”. Кардынал зазначыў, што яшчэ няма канчатковага праекту выстаўлення астанкаў польскага Папы пасля таго, калі ён будзе абвешчаны благаславёным. Кананічным правам прадбачана такая сітуацыя ў выпадку беатыфікаваных асобаў як даніна ўшанавання для іх.



   

Новыя кароны на абраз Яснагурскай Божай Маці

Ватыкан

Рэдакцыя

16 сакавіка 2010 |

3 сакавіка 2010 г. папа Бэнэдыкт XVI паблагаславіў у Ватыкане новыя кароны на цудоўны абраз Яснагурскай Божай Маці. Гэта - сімвал удзячнасці польскага народу сваёй заступніцы ў 100 гадовую гадавіну рэкаранацыі Яе абразу. Дэлегацыя з Яснай Гары на чале з прыёрам а. Раманам Маеўскім OSPPE адправілася на гэтую ўрачыстасць у Рым. Згаданая падзея звязана непасрэдным чынам з тым, што адбывалася 100 гадоў назад, калі святы Папа Пій X перадаў вернікам у Польшчу дар у выглядзе каронаў для цудоўнага абразу Божай Маці на Яснай Гары.

   

Папа паблагаславіў алімпійцаў

Ватыкан

Рэдакцыя

26 лютага 2010 |
Бэнэдыкт XVI павіншаваў спартсменаў і арганізатараў зімовай алімпіяды I параалімпіяды ў Ванковэры (Канада). Першая праходзіць у Канадзе з 12 – 28 лютага, другая – з 12 да 21 сакавіка. Святы Айцец, даючы апостальскае благаславенне, зазначыў, што спорт быў заўжды вуглавым каменем міру і сяброўства паміж народамі. Для 2700 спартсменаў з 82 краінаў свету, якія пасяліліся ў алімпійскіх вёсках, алімпійскі камітэт Канады падрыхтаваў шырокую душпастырскую прапанову, як напрыклад: спецыяльны міжрэлігійны цэнтр для прыхільнікаў адной з пяці вялікіх рэлігій свету.
   

Ці адбудзецца сустрэча Папы з патрыярхам?

Ватыкан

Рэдакцыя

12 лютага 2010 |
Паводле меркавання дырэктара Інстытута па справах рэлігіі і права Расійскай Акадэміі навук, выказванне якога цытуе агенства KNA, маскоўскі патрыярхат намерваецца арганізаваць трыумфальную каталіцка-праваслаўную сустрэчу. Гэта зможа адбыцца, на думку Лукіна, калі Ватыкан выканае пажаданне маскоўскага патрыярхату: дасць гарантыю, што не будзе ў Расіі празелітызму ў адносінах да праваслаўных і прызнаецца (хоць часткова) ў памылках, якія былі дапушчаны ў Заходняй Украіне падчас спрэчкі грэка-католікаў і праваслаўных з маскоўскага патрыярхату наконт святыняў.У сваю чаргу ў сваім нядаўнім выступленні арцыбіскуп Іван Юрковіч запэўніў, што грэка-католікі не будуць суб’ектам таргоў у размовах з маскоўскім патрыярхатам, хоць Апостальская Сталіца зацікаўлена ў сустрэчы Бэнэдыкта XVI з патрыярхам Кірылам.
   

Звыш 2 млн асобаў малілася з Папам

Ватыкан

Рэдакцыя

31 студзеня 2010 |
Паводле даных прэфектуры папскага дому звыш 2 млн вернікаў з усяго свету прыняло ўдзел у папскіх аўдыенцыях і цэлебрацыях у 2009 г. у Ватыкане і ў Кастэль Гандольфа. У агульных аўдыенцыях удзельнічала 537. 500 асобаў . У спецыяльных аўдыенцыях – 115 600 асобаў. У літургічных цэлебрацыях – 470 800 чалавек, а ў малітве “Анёл Панскі” – 1 120 000 вернікаў. Наогул, у Ватыкане сустрэлася з Папам у 2009 г. 2 243 900 пілігрымаў.
   

Наступныя артыкулы...

Старонка 1 з 2:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
Дзень звычайны
green
Адзначаем імяніны:
Антонія, Марыі
Да канца года засталося дзён:  180

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.

Ад шчырага сэрца