Ад шчырага сэрца

❧✿☙

Паважанаму Ксяндзу Андрэю Пышынскаму з нагоды Дня нараджэння складаем найлепшыя пажаданні. Няхай кожны Ваш дзень будзе напоўнены супакоем, вочы ззяюць ад шчасця, а з твару не сыходзіць усмешка. Жадаем моцнага здароўя на доўгія гады ў пачэснай службе Богу і людзям.

З павагай, былыя вернікі з капліцы Вердамічы

❧✿☙

Яго Эксцэленцыі Ксяндзу Біскупу Аляксандру Кашкевічу з нагоды Дня нараджэння ад шчырага сэрца жадаем моцнага здароўя, поспехаў у паслузе на карысць Богу і людзям, аптымізму, радасці і шчасця на кожны дзень. Няхай Пан будзе шчодры на свае ласкі і бласлаўленне, Маці Божая нястомна апекуецца Вамі, а Святы Дух удзяляе свае дары.

Рэдакцыя “Слова Жыцця”

❧✿☙

Паважанаму Ксяндзу Пробашчу Валерыю Быкоўскаму з нагоды Дня нараджэння перасылаем сардэчныя пажаданні: моцнага здароўя, нязгаснага запалу ў паслузе на карысць Богу і людзям, штодзённай радасці, душэўнага супакою і аптымізму. Няхай Пан Бог бласлаўляе кожны дзень, а Маці Божая заўсёды апекуецца Вамі. Дзякуем за добрае сэрца і цудоўны прыклад веры.

Удзячныя вернікі і Ружанцовае кола св. Яна Непамуцэна са Станевічаў

❧✿☙

Паважаным Ксяндзам Каноніку Віктару Велівісу і Яўгену Ціхану з нагоды Імянін складаем букет сардэчных віншаванняў. Няхай здароўе будзе моцным, творчыя сілы – бясконцымі, а радасць ад плёну ў працы – штодзённай. Няхай Вас заўсёды асвятляюць промні Божай міласэрнасці, моц Святога Духа і апека Панны Марыі, Езус валадарыць у сэрцы і адорвае сваімі ласкамі, а святыя Заступнікі нястомна апекуюцца Вамі. Вельмі ўдзячныя за шчырыя малітвы, павучальныя казанні, зычлівасць, дабрыню, сціпласць, цярплівасць, цудоўную ўсмешку, а таксама клопат пра людзей і касцёл. Аддзяч Божа!

З глыбокай павагай, парафіяне з касцёла св. Казіміра ў Путрышках

❧✿☙

Паважанаму Ксяндзу Юрыю Барташэвічу з нагоды 10-годдзя святарскіх пасвячэнняў і Дня нараджэння складаем сардэчныя пажаданні. Няхай святарскі шлях будзе шчаслівы і бласлаўлёны, Бог, якому даверыліся, да канца жыцця адорвае Вас сваімі ласкамі і добрым здароўем, а Маці Божая штодзённа Вамі апекуецца. Жадаем шмат радасных і шчаслівых хвілін, сіл і стойкасці ў нялёгкай і адказнай святарскай паслузе. Дзякуем за Божае слова, якое засяваеце ў нашых сэрцах.

З малітвай, апостальства “Маргарытка” і парафіяне з Жырмунаў

❧✿☙

Паважанаму Ксяндзу Паўлу Салабуду з нагоды Імянін перасылаем букет сардэчных пажаданняў: моцнага здароўя, сілы і трываласці на кожны дзень, непахіснай веры і надзеі, а таксама штодзённага аптымізму і супакою ў сэрцы.

Рэдакцыя “Слова Жыцця”