Хвіліна творчасці

Каб перадаць прыгажосць ажурнай сняжынкі, паспрабуйце выканаць яе ў тэхніцы квілінга (з англ. “quill” – птушынае пяро), выкарыстоўваючы звычайныя папяровыя стужачкі!

Неабходныя прылады і матэрыялы: лінейка, аловак, нажніцы ці нож для паперы, клей ПВА, драўляныя шпажкі (ці тонкія спіцы), каб накручваць паперу. Для выканання сняжынак спатрэбіцца белая офісная папера, нарэзаная на палоскі таўшчынёй 5 мм.
    Спосаб выканання: Спачатку зрабіце нарыхтоўку. Для гэтага вазьміце палоску. Пазногцем злёгку адцягніце і закругліце яе канец. Пакладзіце на яго шпажку. Накручвайце паласу на шпажку. Рабіце першыя віткі больш шчыльнымі. Калі папера “схопіцца” з палачкай, можна будзе круціць толькі палачку да самага канца паласы. Каб зняць з яе закручаную палоску паперы, злёгку пакруціце палачку. Зараз адпусціце нарыхтоўку, атрымаецца закручаная спіраль. Яе дыяметр павінен быць каля 12 мм. Калі ж нарыхтоўка была скручана вельмі шчыльна, то злёгку націсніце на яе пальцамі, каб яна разгарнулася. Канец нарыхтоўкі прыклейце. Менавіта з такіх нарыхтовак можна зрабіць асноўныя формы, з якіх і будзе складацца сняжынка. †

Анёл з вермішэлі

Вермішэль, рожкі - гэта не толькі макаронныя вырабы, але і выдатны матэрыял для творчасці. Прапануем вам самастойна склеіць анёлаў з макаронаў, якімі можна ўпрыгожыць ёлку.

    Неабходныя матэрыялы: клей ПВА, макаронныя вырабы, пластыкавы шарык для вырабу галавы (дыяметрам каля 2 см), вата (служыць злучальным матэрыялам паміж дэталямі), балончык з “залатой” фарбай, маркер і крышачку фантазіі.
    Можна склеіць прыгожых і арыгінальных анёлкаў з ракавінак.

Прапануем вам ўсёй сям’ёй заняцца выпечкай цудоўных святочных пернікаў, якія не толькі стануць ласункамі, але і каляднымі ўпрыгожваннямі. Такімі вырабамі можна аздобіць ёлку, а калі зрабіць пернікі большага памеру і кожны прыгожа аформіць – атрымаецца арыгінальны падарунак, які не купіш у краме. Заварныя пернікі могуць захоўвацца 1-2 месяцы, не губляючы сваіх смакавых якасцяў.

   Усяго адна буйная шышка, пакрытая залатой ці зялёнай фарбай, упрыгожаная аздобным бантам - і вось ужо ў вас на стале цудоўная маленькая калядная ялінка. Падстаўкай для такой ялінкі паслужыць крышачка з-пад шампуня ці туалетнай вады

Праверце правільнасць расшыфроўкі крыптагармы з №291 газеты:

…ЗМАГАЙСЯ ДОБРЫМ ЗАМАГАННЕМ ВЕРЫ, ТРЫМАЙСЯ ВЕЧНАГА ЖЫЦЦЯ,
ДА ЯКОГА ТЫ ПАКЛІКАНЫ…