ГРОДНА
Панядзелак,
29 красавіка
2024 года
 

Слова для Жыцця

Слова для Жыцця (104)

Слова для Жыцця

Рэдакцыя

29 лістапада 2015 |
papa-francesco7Папа Францішак
    Калі Езус аб’явіў сябе як Кароль? У па-дзеі Крыжа! Той, хто ўзіраецца ў Крыж Хрыста, павінен заўважыць дзівосную бескарыслівасць у любові. Хтосьці з вас можа сказаць: “Але, ойча, гэта было падзенне!”. Менавіта ў па-дзенні па прычыне граху – грэх з’яўляецца падзеннем – у падзенні, выкліканым людскімі амбіцыямі, менавіта там ёсць трыумф Крыжа, там бескарыслівасць любові. У падзенні Крыжа бачна любоў – тая любоў, якая з’яўляецца бескарыслівай, якую дае нам Езус. Для хрысціяніна размовы аб моцы і сіле азначаюць зварот да моцы Крыжа і да сілы Езусавай любові: любові, якая застаецца моцнай і некранутай нават калі яе адкідваюць, якая разглядаецца як здзяйсненне пражытага жыцця, як поўная ахвяра з сябе на карысць чалавецтва.
    Можна сказаць: “Езус аддаў жыццё за свет”, але яшчэ прыгажэй сказаць: “Ён аддаў сваё жыццё за мяне”, каб магчы збавіць кожнага з нас ад нашых грахоў.
    Моцай Каралеўства Езуса з’яўляецца любоў, таму Яго каралеўскасць не прыгнятае, але вызваляе нас ад нашых слабасцей і галечы, заахвочваючы накіроўвацца сцежкамі дабрыні, паяднання і прабачэння. Хрыстос – Кароль, які над намі не пануе, не ўспрымае нас як падданых, але ўзносіць нас да сваёй годнасці. Ён учыніў так, што мы з Ім валадарым, таму што, як кажа Апакаліпсіс: “Учыніў нас валадарствам і святарамі для Бога і Айца свайго” (1, 6).
        
“Анёл Панскі” са Святым Айцом, 22.11.2015  †
 
Чытаць цалкам: Слова для Жыцця (104)
 

Слова для Жыцця (103)

Слова для Жыцця

Рэдакцыя

15 лістапада 2015 |
papa-francesco7Папа Францішак
    Што азначае несці праз уласнае жыццё і на самім сабе Божую пячаць? Кажа нам пра гэта зноў св. апостал Ян: азначае, што ў Езусе Хрысце мы сапраўды сталі дзецьмі Божымі (параўн. 1 Ян 3, 1–3). Ці ўсведамляем мы гэты вялікі дар? Ці памятаем, што на хросце мы атрымалі “пячаць” нашага нябеснага Айца і сталі Яго дзецьмі? Менавіта гэта з’яўляецца коранем нашага паклікання да святасці! Святыя, якіх мы ўспамінаем, з’яўляюцца менавіта тымі, хто жыў у ласцы ўласнага хросту, хто захаваў некранутую пячаць, жывучы як Божыя дзеці, стараючыся пераймаць Езуса; і цяпер дасягнуў мэты, таму што нарэшце “бачыць Бога такім, які Ён ёсць”.
        
“Анёл Панскі” са Святым Айцом, 01.11.2015  †
 
Чытаць цалкам: Слова для Жыцця (103)
   

Слова для Жыцця (102)

Слова для Жыцця

Рэдакцыя

01 лістапада 2015 |
papa-francesco7Папа Францішак
    Пасланне да Габрэяў прадстаўляе Хрыста як найвышэйшага святара, які раздзяляе наш чалавечы стан ва ўсім, акрамя граху: “Бо мы маем не такога першасвятара, які не мог бы спачуваць слабасцям нашым, але такога, які, паводле падабенства, зведаў усе выпрабаванні, акрамя грэху” (4, 15). Езус справуе святарства міласэрнасці і спачування. Ён мае непасрэдны досвед нашых цяжкасцей, Ён ведае знутры наш чалавечы стан; тое, што Ён бязгрэшны, не з’яўляецца для Яго перашкодай для таго, каб разумець грэшнікаў. Яго хвала – гэта не хвала амбіцый і жадання панаваць, гэта хвала любові да лю-дзей, прыняцця і раздзялення іх слабасцей, адорвання іх ласкай аздараўлення, спадарожнічання ім з бязмежнай пяшчотай падчас іх стамляючай пілігрымкі.

Фрагмент гаміліі, прамоўленай падчас кананізацыйнай св. Імшы, 18.10.2015
        
“Анёл Панскі” са Святым Айцом, 04.10.2015  †
 
Чытаць цалкам: Слова для Жыцця (102)
   

Слова для Жыцця (101)

Слова для Жыцця

Рэдакцыя

18 кастрычніка 2015 |
papa-francesco7Папа Францішак
    Мужчына пакідае бацьку свайго і маці і злучаецца са сваёй жонкай, і абодва становяцца адным целам – гэта значыць, адным жыццём, адным існаваннем. У гэтай еднасці сужэнцы перадаюць жыццё новым чалавечым істотам: становяцца бацькамі. Яны ўдзельнічаюць у творчай моцы самога Бога. Але ўвага! Бог ёсць любоў, і ў Яго тварэнні можна ўдзельнічаць тады, калі любіш, з Ім і як Ён. З гэтай мэтай – як кажа св. Павел – “любоў Божая вылілася ў сэрцы нашыя праз Духа Святога, які дадзены нам” (Рым 5, 5). І гэта таксама любоў, якая дадзена сужэнцам у сакраманце сужэнства. Гэта любоў, якая ажыўляе іх сувязь, калі яны перажываюць радасць і смутак, спакойныя і складаныя хвіліны. Гэта любоў, якая абуджае ў іх жаданне зачацця дзяцей, чакання іх, прыняцця іх, клопату пра іх развіццё і выхаванне. Гэта тая ж любоў, якую Езус аказвае дзецям: “Дазвольце дзецям прыходзіць да Мяне, не забараняйце ім; бо такім належыць Валадарства Божае” (Мк 10, 14).
        
“Анёл Панскі” са Святым Айцом, 04.10.2015  †
 
Чытаць цалкам: Слова для Жыцця (101)
   

Слова для Жыцця (100)

Слова для Жыцця

Рэдакцыя

04 кастрычніка 2015 |
papa-francesco7Папа Францішак
    Мы ўсе перажываем змаганні штодзённага жыцця. Наша штодзённасць часта можа прывесці нас да пэўнага роду панурай апатыі, якая паступова становіцца навыкам са смяротным зыходам: нашыя сэрцы ўсё больш камянеюць. Мы не хочам, каб апатыя кіравала нашым жыццём. Ці не так? Таму мы павінны задаць сабе пытанне: што мы можам зрабіць, каб засцерагчы нашае сэрца ад усё большага акамянення, ад неадчувальнасці? Як мы можам паспрыяць узрастанню радасці Евангелля і зрабіць так, каб яна пусціла глыбейшыя карані ў нашым жыцці?
    Езус дае адказ. Ён сказаў сваім вучням і кажа сёння нам: Ідзіце! Абвяшчайце! Радасць Евангелля – гэта штосьці, што трэба адчуць, што трэба спазнаць і перажыць, толькі дзяленне праз аддаванне сябе.
        
Фрагмент гаміліі, прамоўленай падчас св. Імшы ў Вашынгтоне  †
 
Чытаць цалкам: Слова для Жыцця (100)
   

Слова для Жыцця (99)

Слова для Жыцця

Рэдакцыя

20 верасня 2015 |
papa-francesco7Папа Францішак
    Бог не закрываецца ў сабе, Ён адкрываецца і наладжвае кантакт з чалавецтвам. У сваёй вялікай міласэрнасці Ён пераадольвае вялізную бездань розніцы, якая існуе паміж Ім і намі, і выходзіць нам насустрач. Каб дабіцца гэтага кантакту з чалавекам, Бог становіцца чалавекам. Яму недастаткова толькі прамоў праз законы і прарокаў, Ён прысутнічае ў асобе свайго Сына, ва Уцелаўлёным Слове. Езус – гэта вялікі “Будаўнік мастоў”, які ў самім сабе будуе вялікі мост поўнай еднасці з Айцом.
        
“Анёл Панскі” са Святым Айцом   †
 
Чытаць цалкам: Слова для Жыцця (99)
   

Слова для Жыцця (98)

Слова для Жыцця

Рэдакцыя

06 верасня 2015 |
papa-francesco7Папа Францішак
    Кожны з нас можа задаць сабе пытанне: кім для мяне з’яўляецца Езус? Можа, гэта толькі слова, нейкая ідэя, толькі пэўная гістарычная постаць? Ці Ён на самой справе з’яўляецца той Асобай, якая мяне любіць, Тым, хто аддаў за мяне сваё жыццё і пілігрымуе са мной? Кім для цябе з’яўляецца Езус? Ці ты побач з Ім, ці стараешся пазнаць Яго ў Яго слове? Бо чым больш мы ў Ім трываем, тым больш узрастае жаданне, каб у Ім трываць. Няхай Панна Марыя дапаможа нам заўсёды “ісці” да Езуса, каб адчуць свабоду, якую Ён нам дае, і дазваляе нам ачысціць нашыя выбары ад асадку марнасці і страхаў.
        
“Анёл Панскі” са Святым Айцом, 23.08.2015  †
 
Чытаць цалкам: Слова для Жыцця (98)
   

Слова для Жыцця (97)

Слова для Жыцця

Рэдакцыя

23 жніўня 2015 |
papa-francesco7Папа Францішак
    Не дастаткова сустрэць Езуса, каб паверыць у Яго, не дастаткова чытаць Біблію, Евангелле; не дастаткова нават быць сведкам цуду. Многія былі ў блізкіх адносінах з Езусам і не паверылі Яму, больш таго, яны пагардзілі Ім і асудзілі. Так стала, таму што іх сэрцы былі закрытыя на ўздзеянне Святога Духа. А вера, якая падобна на зярнятка, кінутае ў глебу сэрца, прарасце, калі мы дазволім, каб Айцец “прыцягнуў” нас да Езуса, і “пойдзем з Ім” з адкрытай душой, без забабонаў; тады мы распазнаем у Яго абліччы аблічча Бога і ў Яго словах – Божае слова, таму што Святы Дух дазволіў нам увайсці ў адносіны любові і жыцця, якія існуюць паміж Езусам і Богам Айцом.
        
“Анёл Панскі” са Святым Айцом, 09.08.2015  †
 
Чытаць цалкам: Слова для Жыцця (97)
   

Слова для Жыцця (96)

Слова для Жыцця

Рэдакцыя

09 жніўня 2015 |
papa-francesco7Папа Францішак
    “Езус наталяе не толькі матэрыяльны голад, але і самы глыбокі – голад сэнсу жыцця, голад Бога. Перад абліччам пакут, адзіноты, бядоты і цяжкасцей такой вялікай колькасці людзей, што можам зрабіць мы? Нараканні нічога не вырашаюць, але мы можам ахвяраваць тое нямногае, што ў нас ёсць. Напэўна, у нас ёсць нейкая гадзіна часу, якісьці талент, якаясьці асаблівасць... Калі мы будзем гатовыя скласці іх у рукі Пану, гэтага хопіць, каб у свеце стала трохі больш любові, супакою, справядлівасці і, перш за ўсё, радасці. Бог здольны павялічыць нашыя малыя жэсты салідарнасці і зрабіць нас удзельнікамі свайго дару.
        
“Анёл Панскі” са Святым Айцом  †
 
Чытаць цалкам: Слова для Жыцця (96)
   

Слова для Жыцця (95)

Слова для Жыцця

Рэдакцыя

26 ліпеня 2015 |
papa-francesco7Папа Францішак
    “Пан сам спашле дождж, і наша зямля прынясе плён”, – так сцвярджае псалом (85 [84], 13). Мы запрошаны на святкаванне гэтай таямнічай камуніі паміж Богам і Яго Людам, паміж Богам і намі. Дождж з’яўляецца знакам Яго прысутнасці на зямлі, якую мы апрацоўваем сваімі рукамі. Гэта камунія, якая заўсёды прыносіць плён, якая заўсёды дае жыццё. Такі давер вынікае з веры, з ведаў, якія разлічаны на Яго ласку, якія заўсёды пераменяць і напояць нашу зямлю.
    Гэта давер, якому мы вучымся, для якога выхоўваемся. Давер, які пачынаецца ва ўлонні супольнасці, у жыцці сям’і. Давер, які становіцца сведчаннем на тварах мноства лю-дзей, што пабуджаюць нас пайсці за Езусам, стаць вучнямі Таго, хто не расчароўвае.
        
Фрагмент гаміліі, прамоўленай падчас св. Імшы ў парку Ну Ігуасу   †
 
Чытаць цалкам: Слова для Жыцця (95)
   

Слова для Жыцця (94)

Слова для Жыцця

Рэдакцыя

12 ліпеня 2015 |
papa-francesco7Папа Францішак
    Хрыстос, які нас корміць пад кансэкраванымі постацямі хлеба і віна, той самы, які выходзіць нам насустрач у штодзённых падзеях; Ён у тым убогім, які працягвае далонь, у тым пакутуючым, які просіць дапамогі, у нашым браце, які просіць нашай увагі і чакае нашага прыняцця. Ён у кожным чалавеку, нават у самым малым і безабаронным.
    Эўхарыстыя, крыніца любові для жыцця Касцёла, з’яўляецца школай міласэрнасці і салідарнасці. Той, хто ўжывае Хлеб Хрыстовы, не можа застацца абыякавым да тых, хто не мае хлеба штодзённага.
        
Анёл Панскі са Святым Айцом  †
 
Чытаць цалкам: Слова для Жыцця (94)
   

Наступныя артыкулы...

Старонка 11 з 20:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
Свята св. Кацярыны з Сіены, Дзевы і Доктара Касцёла
white
Адзначаем імяніны:
Кацярыны Сіенскай, Роберта
Да канца года засталося дзён:  247

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.

Ад шчырага сэрца