Імкнёмся гаварыць новай мовай
Слова рэдактара
Пасля кароткага перапынку мы зноў вяртаемся ў Вашы дамы. На гэты раз у крыху змененай версіі. Нам вельмі важна, каб адзіная каталіцкая газета Гродзенскай дыяцэзіі была сучаснай, прывабнай, вернай і магла па-ранейшаму даходзіць да Вас. Таму імкнёмся гаварыць новай мовай, перапоўнены новымі ідэямі.
Мы прагнем прыкласці ўсе намаганні, каб зрабіць “Слова Жыцця” цікавым і нешаблонным. Хочам працягваць сведчыць аб хрысціянскай эфектыўнасці, воссю дзейнасці якой заўсёды з,яўляюцца евангельскія каштоўнасці. Хочам данесці гісторыі многіх людзей, для якіх вера, часам здабытая праз гады, стала жыццёвым натхненнем.
†
Хочам служыць парадай сучасным сем,ям, якія шукаюць адказы на хвалюючыя пытанні. Хочам паказаць наш мясцовы Касцёл: малады, дынамічны, які пастаянна ў дарозе і захапляе сваім гераізмам ды верай. Дзякуючы Вашай падтрымцы мы прагнем надалей евангелізаваць, быць апорай для духоўнага развіцця і фарміраваць наша грамадства. Папа Павел VI у апостальскай адгартацыі “Evangelii nuntiandi” сказаў, што “евангелізацыя – гэта не самая важная задача Касцёла, а адзіная”. Таму лічым за гонар несці іншым Добрую Навіну, бо гэта ўпісана ў тоеснасць кожнага хрысціяніна. Давайце падтрымліваць адзін аднаго духоўна, дзяліцца Словам і разам евангелізаваць!