20 год Гродзенскай дыяцэзіі (27)
Храналогія жыцця дыяцэзіі
2006 год
16 лістапада - Ксёндз біскуп у катэдры ўдзяліў святарскія пасвячэнні тром дыяканам: Віктару Захарэўскаму, Андрэю Лазарэвічу і Алегу Пятрашку.
2007 год
4 сакавіка - Дыяцэзіяльная газета “Слова Жыцця” адзначала 10-годдзе свайго існавання.
9 сакавіка - У парафіяльным касцёле ў Вавёрцы кс. прэлат Вінцэнт Лісоўскі асвяціў новы алтар у гонар св. Францішкі Рымлянкі.
†
12 красавіка - У парафіях нашай дыяцэзіі распачалася перэгрынацыя копіі Турынскай Плашчаніцы. Распачацце перэгрынацыі адбылося ў парафіяльным касцёле ў Шчучыне.
15 красавіка - У Лідзе (Маладзёжны) у нядзелю Божай міласэрнасці кс. бп Аляксандр Кашкевіч асвяціў касцёл пт. Божай Міласэрнасці.
26 мая - У катэдры адбыліся святарскія пасвячэнні шасці выпускнікоў Гродзенскай ВДС, а яшчэ тры сталі дыяканамі.
28 мая - У вёсцы Цвермы (Лідскі р-н) адбылося ўрачыстае асвячэнне прыдарожнай капліцы, якая атрымала новы тытул – Узвышэння Святога Крыжа.
15 – 16 чэрвеня - У Лідзе адбыліся традыцыйныя Дні моладзі.
28 чэрвеня - У Падзітве (дэк. Ліда) адбылося асвячэнне капліцы св.св. Пятра і Паўла. Падчас св. Імшы кс. бп Аляксандр таксама ўдзяліў сакрамант канфірмацыі.
29 чэрвеня - Парафіі ў Ізабеліне – 75 гадоў. Падзячную св. Імшу ўзначаліў кс. бп Аляксандр Кашкевіч.