•  Пробашч рымска-ката­ліцкай парафіі Беззаганнага Зачацця НПМ у Слоніме (Гродзенская дыяцэзія) кс. Ігар Анісімаў праспяваў для маладых падчас шлюбу знакамітую песню “Алелюя” Леанарда Коэна на рускай мове. Нагадаем, нядаўна каталіцкі святар з Ірландыі стаў знакамітасцю на YouTube пасля таго, як праспяваў “Алелюя” на шлюбе пары ў яго парафіі і набраў дзясяткі мільёнаў праглядаў. Як і ў выпадку з ірландскімі маладымі, беларуская пара і вернікі былі ў шоку ад сюрпрызу.
   
    •  У Рыме 1 верасня 2014 г. адбудзецца “міжканфесійны футбольны матч за мір”. Яго натхняльнікам з’яўляецца папа Францішак. Месцам правядзення павінен стаць рымскі Алімпійскі стадыён, напісаў аргентынскі футбаліст Хаўэр Дзанэці, віцэ-прэзідэнт футбольнага клуба “Інтэр”, у ватыканскай газеце “L’Osservatore Romano”. Ён не выключае, што Францішак асабіста будзе прысутнічаць на стадыёне. Як паведаміла французскае каталіцкае інфармацыйнае агенцтва “IMEDIA”, дапамогу ў арганізацыі міжрэлігійнага футбольнага матча аказала Папская акадэмія навук, рэктарам якой з’яўляецца таксама аргентынец, біскуп Марсэла Санчэс Саронда. На полі могуць з’явіцца зоркі сусветнага футбола: Раберта Баджо, Зінедзін Зідан, Ліянэль Месі і Франчэска Тоці. Трэнерам павінен стаць партугалец Жазэ Маўрынью. Футбалісты апрануць майкі з выявай вясёлкі. Менавіта яна лічыцца сімвалам міра, падставай для чаго з’яўляецца біблійная гісторыя пра выратаванне Ноя пасля сусветнага патопу.†

Папскія гвардзейцы ў Польшчы
   Упершыню ў гісторыі салдаты Швейцарскай гвардыі наведваюць Польшчу. Першым пунктам праграмы стала для іх Ясная Гара
   
   Больш за 40 швейцарскіх гвардзейцаў прыляцелі ў Польшчу ў межах пілігрымкі з нагоды кананізацыі папы Яна Паўла II.
    “Гэта падзяка за вялікі пан­ты­фікат, за вялікага чалавека, які, бясспрэчна, сфарміраваў гвардзейцаў”, – кажа Магдалена Валіньская-Рыдзі, якая разам з сяржантам Хайнцам Эглі падрыхтавала праграму пілігрымкі. Як дадае арганізатар, гаворка ідзе пра ўсведамленне малодшым гвардзейцам, якія не памятаюць Яна Паўла II, яго гісторыі, таго, як ён вырас у такога вялікага чалавека. “Гэта вяртанне да каранёў Яна Паўла II”, – адзначае сп. Магдалена. †

Пад такім дэвізам прайшлі ўрачыстасці у Нацыянальным санктуарыі Маці Божай Будслаўскай. Яны былі прысвечаны таксама падзяцы за кананізацыю Яна Паўла ІІ. На ўрачыстасці прыбылі сімвалы Сусветных дзён моладзі – крыж і ікона Маці Божай “Salus Populi Romani”, якія здзяйсняюць перэгрынацыю па Беларусі, а таксама рэліквіі св. Яна Паўла ІІ, якія захоўваюцца ў нарачанскім касцёле.

За два дні ўрачыстасцей Будслаў наведала каля 25 тысяч пілігрымаў. 4 ліпеня, у першы дзень урачыстасцей у будслаўскім санктуарыі, адбылася св. Імша для пілігрымаў, якія прыбылі ў Будслаў з розных дыяцэзій Беларусі. Імшу ўзначаліў біскуп Віцебскі Алег Буткевіч.
    У Эўхарыстыі прынялі ўдзел біскуп Пінскі Антоні Дзям’янка, Апостальскі візітатар для грэка-католікаў Беларусі архімандрыт Сяргей Гаек, шматлікае духавенства, кансэкраваныя асобы.
    Пілігрымаў з розных мясцін Беларусі прывітаў на пачатку Мітрапаліт Тадэвуш Кандрусевіч. Іерарх падзякаваў усім, хто прыняў запрашэнне Касцёла і прыбыў у Будслаў.
    Арцыбіскуп адзначыў, што вернікі сабраліся на сёлетніх урачыстасцях у Будславе, каб дзякаваць за кананізацыю папы Яна Паўла II, які “моцна любіў Беларусь, адрадзіў структуры каталіцкага Касцёла ў ёй і вельмі хацеў сюды прыехаць, хоць і не змог”. “Мы ўпэўнены, што сёння ён сваім духам з намі!” – дадаў іерарх. †

Кожны год культ Маці Божай Кангрэгацкай пашыраецца і павялічваецца сярод вернікаў асаблівым чынам. У сувязі са шматлікімі цудамі, якія адбываліся праз Яе заступніцтва, усё больш людзей пачалі звяртацца да Яе як да сваёй заступніцы, паколькі Маці ўсіх выслухае, суцешыць у цярпенні і супакоіць боль. У гэтым годзе па-асабліваму будзе святкавацца юбілей 350-годдзя прысутнасці цудатворнага абраза Маці Божай Кангрэгацкай у гродзенскай катэдры.
    Духоўная падрыхтоўка да ўрачыстасцей распачнецца 2 жніўня і працягнецца ўсю ноч. У гэты час кожны вернік зможа знайсці ратунак пад апекай Найсвяцейшай Панны Марыі ў гэтым цудоўным абразе. На наступны дзень адбудзецца ўрачыстая працэсія з копіяй абраза МБ Кангрэгацкай, а таксама адпуставая св. Імша.
   
   Праграма ўрачыстасцей:
   
    2 жніўня
    19.00 – св. Імша пры алтары Маці Божай Кангрэгацкай;
    20.00 – аднаўленне адарацыі Найсвяцейшага Сакраманту. Ружанец з разважаннем Радасных таямніц (пар. Беззаганнага Зачацця НПМ, Гродна-Паўднёвы);
    21.00 – зварот. Час на выказванне асабістых просьбаў і інтэнцый (пар. МБ Міласэрнасці, Гродна-Аўгустовак);
    22.00 – Ружанец з разважаннем Балесных таямніц (пар. Адшукання Святога Крыжа, Гродна-пабернардынскі);
    23.00 – адарацыя Найсвяцейшага Сакраманту (малітоўная група МБ Кангрэгацкай); †

13 ліпеня 2014 г. адзначалася 71-я гадавіна смерці бласлаўлёнай мучаніцы Мар’яны Бярнацкай. У Навумавічах каля Гродна, дзе ў 1943 г. яна была расстраляна разам з 49 мясцовымі жыхарамі, адбыліся ўрачыстасці з удзелам вернікаў з Гродна і Сапоцкінскага дэканата.

На ўзгорку каля Навумавіч у знак Хрыстовага закліку, каб усе былі адно, стаяць праваслаўны і каталіцкі крыжы і з гэтай зямлі, на якой пралілася кроў мучанікаў, заклікаюць сучасных людзей да міру і згоды. У гэты дзень на ўзгорку сабралася шмат вернікаў: сярод іх былі дзеці, якіх прынеслі на руках маці, моладзь, асобы сталага ўзросту, дзякуючы якім была захавана вера. На ўрачыстасці прыбыў таксама біскуп Гродзенскі Аляксандр Кашкевіч і іншыя святары, каб разам з вернікамі аддаць пашану мучанікам, у якіх сучасны чалавек можа вучыцца адвазе.
    Урачыстую св. Імшу ўзначаліў біскуп Аляксандр Кашкевіч. Іерарх назваў мучанікаў “нашымі братамі і сёстрамі, якія адважна пайшлі на смерць, абраўшы Хрыста, баронячы Касцёл і веру”. “Дзякуючы ім захавалася вера, вытрываў Касцёл. Іх мучаніцкая кроў стала засевам для новых хрысціян, новых пакліканняў, новых пакаленняў”, – дадаў біскуп. †

V Пешая назарэтанская пілігрымка Гродна–Навагрудак вырушыць 26 ліпеня. Пілігрымка працягнецца да 31 ліпеня.

1 жніўня 2014 г. адзначаецца 71-ая гадавіна мучаніцкай смерці бласлаўлёных сясцёр назарэтанак з Навагрудка, якія ў гады вайны аддалі жыццё за бацькаў сем’яў і кс. Аляксандра Зянкевіча. Сястра Марыя Стэла і дзесяць іншых сясцёр былі расстраляны 1 жніўня 1943 г. у лесе каля Навагрудка.
   
    Падрабязную інфармацыю пра пілігрымку можна атрымаць па тэлефоне: (+37533)620-34-11 с. Таццяна CSFN.
   
   
   
   
   

Пад такім дэвізам вырушыць XXII Экуменічная пешая пілігрымка ў Вільню. У сёлетняй пілігрымцы вернікі асаблівым чынам будуць дзякаваць за кананізацыю Яна Паўла II.

XXII Экуменічная пешая пілігрымка распачнецца 16 жніўня ў Беластоку. У Гродна пілігрымы прыбудуць 18 жніўня. 19 жніўня ў пабернардынскім касцёле для ўдзельнікаў пілігрымкі Беласток-Гродна-Вільня будзе адпраўлена св. Імша. Афіцыйнае заканчэнне XXII Экуменічнай пешай пілігрымкі адбудзецца 25 жніўня ў віленскай катэдры, дзе ў 10.00 будзе адпраўлена св. Імша, якую ўзначаліць кс. бп Генрык Цярэшка.
    Запісацца ў пілігрымку можна ў курыі Гродзенскай дыяцэзіі па вул. К. Маркса, 4 з 20 па 31 ліпеня (з 10.00 да 13.00), а таксама па тэлефоне (8-0152)74-00-73.
   

Навагрудак 02.08.2014 – 07.08.2014 г.

Арганізатар – Рада па справах сям’і пры ККББ.

Асноўная мэта пяцідзённых курсаў – падрыхтоўка буду­чых бацькоў да свядомага перажывання цяжарнасці і родаў. Прапануецца цыкл сус­трэч, падчас якіх бацькі вучацца ўсталёўваць сувязі з дзіцём ад яго зачацця да нараджэння.
    Таксама курс рыхтуе буду­чых “інструктараў”, якія будуць дапамагаць маладым бацькам у падрыхтоўцы да родаў.
    Школа мае хрысціянскі характар, бо засноўваецца на малітве і на асабістай размове з Богам. Хрысціянскае вымярэнне школы праяў­ляец­ца і ў тым, што прафесійныя, медыцынскія, практычныя веды цесна звязаны з малітвай.
    Галоўны пункт дня – Эўхарыстыя. †

Господь призвал к святой жизни каждого христианина. Всех без исключения. Его призыв направлен не только к священникам, миссионерам, монашеским сестрам. Каждый христианин любой национальности, будь он беден или богат, учен или малограмотен, влиятелен или совершенно безызвестен, призван к святости.

Этот призыв к святой жизни основан на святости Бога. Именно потому, что Бог свят, Он требует, чтобы и мы были святы. Многие христиане обладают так называемой культурной святостью. Они приспосабливаются к характеру и нормам поведения окружающих их христиан. Поскольку христианская культура вокруг них в большей или меньшей мере свята, то и они более или менее святы. Но Бог призывает нас быть похожими на Него, а не на окружающих христиан. Святость означает не что иное, как уподобление характеру самого Бога.†

Сярод шматлікіх практык, якія сёння чалавек імкнецца выкарыстаць для свайго духоўнага і фізічнага развіцця, вельмі папулярна ёга, якая свой пачатак і абгрунтаванне знаходзіць у філасофіі такіх рэлігій як будызм і індуізм. Адразу трэба адзначыць, што гэта, перш за ўсё, медытатыўная практыка. Фізічныя практыкаванні і малітвы, якія ўжываюцца падчас медытацыі, збудаваны такім чынам, каб спрыяць абуджэнню існуючых у чалавечай натуры пэўных псіхафізічных механізмаў, што ў сваю чаргу таксама вядзе да вызвалення заключанай у чалавеку энергіі (знакамітае адкрыццё “чакраў”). Але пры гэтым трэба ведаць, што адначасова чалавек адкрывае сябе і на духоўны свет. І тут паўстае вельмі важнае пытанне, а нават праблема: на які духоўны свет адкрываецца чалавек праз такую медытатыўную практыку? Прычым трэба памятаць, што чалавек толькі адкрывае сябе на пэўную рэчаіснасць, якой не ведае, і, не маючы над ёй ніякай улады, можа толькі здагадвацца, што здзейснены такім чынам “кантакт” яму прынясе. І, на жаль, вось так, проста, навослеп, вельмі наіўна, мы часам запускаем у аўчарню сваёй душы драпежнага звера. †

Ён ужо насыпаў вялікую кучу пяску і пачаў яе ўпрыгожваць, ператвараючы ў вежу, калі да яго падышоў другі хлопчык. Хлопчык быў трохі малодшы за будаўніка вежы, але даволі высокага росту. Ён стаяў недалёка ад вежы, і яго правая нага час ад часу як бы тузалася, ледзь-ледзь прыпадымаючыся ад пяску. “Ламаць прыйшоў, – падумаў будаўнік вежы. – Што зараз рабіць? І нікога няма побач, каб ахоўваць вежу”.
    – Слухай, дапамажы насыпаць тут кучу пяску, – нечакана прапа­наваў будаўнік вежы і паглядзеў высокаму хлопчыку проста ў вочы.
    – А я не магу, – адказаў той.
    – А ты нагой – вось так, – сказаў будаўнік вежы і паказаў, як стоячы можна нагой насы­паць пя­сок у кучу.
    – Кажу табе, я не магу.
    – Проста так стаяць сумна, – сказаў будаўнік вежы. – Ты можаш быць вялікай і моцнай машынай, якая сыпле пясок. Давай, насыпай пясок з таго боку, а я – табе насустрач, і мы пагуляем у спаборніцтва вялікіх машын. Пясок аж да неба паляціць! †

З 16 па 19 чэрвеня ў Гродне праходзіла VI Парафіяда дзяцей і моладзі Гродзенскай дыяцэзіі. Яе дэвізам былі словы: “Радасць Евангелля”. На Парафіяду прыбыло каля 400 удзельнікаў з 31 парафіі дыяцэзіі. Па традыцыі дзяцей і моладзь прыняла парафія Беззаганнага Зачацця Найсвяцейшай Панны Марыі (Гродна-Паўднёвы).

Кс. Артур Малафей, галоўны арганізатар Парафіяды, адзначае: “Найважнейшае – не перамога, а ўдзел”. Святар заахвоціў маладых людзей да таго, каб яны не толькі ў гэтыя дні, але заўсёды кіраваліся гэтым прынцыпам. Па словах кс. Артура, сам прыезд на гэтую сустрэчу, дзе прысутнічае шмат маладых вернікаў з розных куткоў дыяцэзіі, – вялікая ласка, таму што так удзельнікі могуць пазнаёміцца, духоўна ўзбагаціць адзін аднаго, а найперш падзяліцца радасцю, да чаго з моманту свайго абрання на Святы Пасад часта заклікае Святы Айцец Францішак. †