ГРОДНА
Панядзелак,
06 мая 2024 года |
артыкулы рубрыкі "Слова рэдактара" >> |
Просім дасылаць пытанні на адрас:
230025 г. Гродна, вул К. Маркса, 4. e-mail: slowo.grodnensis@gmail.com |
Варта ведаць (21)
Актуальна - Варта ведаць
• Старшыня міжнароднай арганізацыі “Caritas Internationalis” кард. Оскар Радрыгес Марадзьяга звярнуўся да хрысціян з велікапосным пасланнем, у якім ён заахвочвае дапамагаць галадаючым. Кардынал прыгадаў, што штодзённа каля 800 мільёнаў людзей ва ўсім свеце галадаюць. Іерарх у сваім пасланні гаворыць аб грамадскай справядлівасці, прастаце і ўменні дзяліцца з тымі, хто знаходзіцца ў патрэбе. Таксама кардынал заахвочвае далучыцца да акцыі, якую распачаў “Caritas Internationalis” і галоўнай мэтай якой з’яўляецца змаганне з галаданнем і дапамога тым, хто галадае. †
Папа Францішак аб праблемах Касцёла і свету
Актуальна - З жыцця Касцёла
– Так, здаралася. Калі хтосьці тэлефануе, ён робіць гэта таму, што хоча паразмаўляць, хоча спытацца, што трэба рабіць, просіць парады. Калі я быў ксяндзом у Буэнас-Айрэсе, было прасцей. Для мяне гэта ўжо стала звычкай. Службай. Я так гэта адчуваю. Але безумоўна, цяпер гэта нялёгка з-за вялікай колькасці людзей, якія да мяне пішуць.
– А ці быў сярод усяго гэтага які-небудзь кантакт, які Вы ўзгадваеце з асаблівай сімпатыяй?
– Пэўная жанчына, 80-гадовая ўдава, якая страціла сына, напісала да мяне. Цяпер я кожны месяц тэлефаную да яе і мы трошкі размаўляем. Яна шчаслівая, а я застаюся душпастарам і мне падабаецца гэта. †
Таинство Евхаристии
Роздум - Катэхеза са «СЛОВАМ»
Когда человек получает какое-то благо, в котором он очень нуждается, в его душе рождается радость. В Евхаристии Бог щедро даёт человеку множество духовных милостей, столь необходимых душе. Так почему же в нас так мало духовной радости при встрече с Иисусом во время святой Мессы? И какая она, эта радость встречи с Богом, пожелавшим быть среди нас? †
З каталіцкага друку (65)
Актуальна - Прэса
Група “eM Media” абвясціла міжнародны конкурс на праект евангелізацыйнага рэкламнага шчыта, які папулярызаваў бы навучанне Святога Айца Яна Паўла II.
Ідэяй мерапрыемства з’яўляецца прадстаўленне важных аспектаў навучання Яна Паўла II праз выкарыстанне сучасных форм камунікацыі, такіх як графіка і вобраз.
“Наш любімы Святы Айцец – гэта найбольшы аўтарытэт, які ў нас ёсць. Мы ўсе памятаем, што за гады свайго Пантыфікату ён зрабіў для нас вельмі многае, і цяпер мы хочам прыпомніць аб яго навучанні, яго думках”, – кажа Адам Гуздэк, член журы конкурсу.
У конкурсе можа прымаць удзел кожная паўналетняя асоба. Да ўдзелу ў мерапрыемстве запрошаны асабліва графікі, пластыкі, а таксама асобы, якія прафесійна займаюцца праектаваннем.
Найлепшыя працы будуць выстаўлены ў публічнай прасторы. Праекты будуць вывешаны на рэкламных шчытах і дазволяць нам памятаць аб навучанні і пасланні, якое Святы Айцец хацеў нам пакінуць.†
У Лідзе пройдзе сустрэча працаўнікоў службы аховы здароўя
Учора. Сёння. Заўтра. - Актуальная інфармацыя
“Прыязджайце на сустрэчу, каб быць разам і дзяліцца сваім вопытам у абароне чалавечага жыцця”, – адзначае іерарх.
Па пытаннях удзелу і запісу звяртацца да кс. Мікалая Ціхановіча, душпастара службы аховы здароўя ў Гродне:
(8 029) 884-54-82 – МТС;
(8 029) 661-14-05 – VELCOM.
Футбалісты ў сутанах зайгралі на Чэмпіянаце Еўропы
Актуальна - З жыцця Касцёла
Каманда польскіх ксяндзоў заваявала тытул чэмпіёнаў Еўропы, перамогшы ў групавых матчах Партугалію і Аўстрыю, у чвэрцьфінале Румынію, а ў паўфінале Беларусь. У фінальным матчы каманда Польшчы здолела перамагчы Харватыю з лікам 2:1. Гэта быў ужо пяты трыумф польскіх святароў у гісторыі Чэмпіянату Еўропы. †
Чытаць цалкам: Футбалісты ў сутанах зайгралі на Чэмпіянаце Еўропы
Што рабіць з блаславёнымі рэчамі?
Зваротная сувязь - Задай пытанне
Нельга прадаваць або выкідваць блаславёныя прадметы. Мы можам іх падарыць блізкаму або знаёмаму чалавеку. Калі блаславёныя рэчы былі пашкоджаны і няма магчымасці іх аднавіць, то варта дэмантаваць ці спаліць тое, што гарыць. Напрыклад, вербачкі з Пальмовай нядзелі спальваюць, а гэтым попелам потым пасыпаюць галовы ў Папяльцовую сераду. Аднак гэта не датычыцца выпадкаў, калі пры бласлаўленні нейкага прадмета асвячаецца сама дзейнасць, якая адбываецца пры яго дапамозе, а сам ён не служыць Божаму культу, як, напрыклад, у выпадку бласлаўлення транспартных сродкаў.
Вяртаючыся да абраду бласлаўлення рэчаў, варта падкрэсліць, што сам гэты абрад часта падказвае, што нам з імі рабіць. Свечку мы запальваем як знак нашай малітвы і ахвяры, даём у руку паміраючаму і гэтак далей. Хлеб святой Агаты на нашых землях прынята браць з сабой у падарожжа або захоўваць у дамах, спалучаючы з гэтым малітву аб захаванні ад небяспекі. Калі ў нас узнікаюць сумненні, для чаго неабходны тыя або іншыя блаславёныя рэчы і як іх захоўваць, варта проста запытацца ў аўтарытэтных асоб ці звярнуцца да правераных крыніц ведаў. Многія інтэрнэт-крыніцы і друкаваныя выданні падаюць непраўдзівую інфармацыю на гэты конт. †
Адна вясна
Адпачынак - Дзіцячы куточак
Жэнька вельмі любіў маляваць. Ён узяў алоўкі і пачаў думаць пра вясну. Ён успомніў, як у мінулую нядзелю яны з мамай і татам паехалі за горад. Гэта было якраз у самым пачатку вясны. Яны ішлі па лесе. Снег толькі пачынаў раставаць, і зямля яшчэ была вільготнай. Неба было блакітнае і халоднае. Але ўсё ж адчуваўся прыход вясны: дзе-нідзе ўжо прабівалася свежая зялёная траўка, весела гаманілі птушкі, нібы цешачыся хуткаму цяплу і раздоллю. Іх радасць перадалася Жэньцы: ён радасна бегаў па лесе і крычаў на ўсё горла: “Вясна прыйшла! Вясна прыйшла!”. А потым, калі яны ўжо збіраліся ехаць дахаты, пайшоў першы веснавы дожджык. †
Хутка распачнецца перыяд Вялікага посту
Роздум - На шляху да святасці
Узмоцненыя ў Духу
Роздум - Катэхеза са «СЛОВАМ»
Чалавечае жыццё падзелена на перыяды, якія часта напоўнены няведаннем, бунтам, стрэсам, пытаннямі, радасцю і расчараваннямі. Езус Хрыстус праз паслугу каталіцкага Касцёла прагне спадарожнічаць кожнай важнай хвіліне чалавечага жыцця і ўзмацняць іх сваёй ласкай. Калі дзіця прыходзіць на свет, усе блізкія і родныя цешацца дару новага жыцця, таксама і Пан Бог праз сакрамант святога хросту прымае гэтае дзіця за сваё, і з гэтай хвіліны яно можа ўжо называць Бога Бацькам. Калі дзіця пачынае адрозніваць дабро ад зла, цікавіцца Богам і глыбей уваходзіць у Божыя таямніцы, прыходзіць Хрыстос у сакраманце пакаяння і Эўхарыстыі, каб узмацніць чалавека сваім Найсвяцейшым Целам на дарозе веры і пазнання свету. Калі чалавек перажывае розныя пакуты, выкліканыя хваробай, Хрыстос спяшаецца з ласкай аздараўлення, суцяшэння і духоўнай падтрымкі ў сакраманце намашчэння хворых. Да маладога чалавека, які часам не знаходзіць сабе месца дома, якому здаецца, што бацькі яго не разумеюць, не прымаюць яго таварыства, сэрца якога часам напаўняецца бунтам і нянавісцю, Бог прыходзіць з дарамі Святога Духа ў сакраманце канфірмацыі, задавольваючы ўсе жаданні, лагодзячы бунты і гарантуючы: “Хопіць табе маёй ласкі”. †
Слова для Жыцця (66)
Актуальна - Слова для Жыцця
Св. Павел кажа: “Таму няхай ніхто не хваліцца людзьмі, бо ўсё вашае: ці Павел, ці Аполас, ці Кіфа, ці свет, ці жыццё, ці смерць, ці цяперашняе, ці будучае – усё вашае, вы ж – Хрыста, а Хрыстос – Бога” (1 Кар 3, 21–23). Чаму менавіта аб гэтым кажа Апостал? Таму што праблема, на якую ён звяртае ўвагу, гэта падзелы ў супольнасці Карынту. Св. Павел тлумачыць, што гэты спосаб мыслення з’яўляецца памылковым, таму што не супольнасць належыць Апосталам, але яны – Апосталы – належаць супольнасці, супольнасць жа, уся поўнасцю, належыць Хрысту!
З гэтага вынікае, што ў хрысціянскіх супольнасцях – дыяцэзіях, парафіях, аб’яднаннях і рухах – адрозненні не могуць стаяць у супярэчнасці з фактам, што ўсе мы праз хрост маем адну і тую ж годнасць – усе мы ў Езусе Хрысце з’яўляемся дзецьмі Божымі. І гэта наша годнасць – у Езусе Хрысце мы дзеці Божыя! Тыя, хто атрымаў служэнне кіраўніцтва, прапаведавання, удзялення сакрамантаў, не могуць разглядацца ў якасці ўладальнікаў адмысловых паўнамоцтваў, уласнікаў; яны тыя, хто знаходзіцца на службе супольнасці, дапамагаючы іншым з радасцю ісці па дарозе святасці.
“Анёл Панскі” са Святым Айцом, 23.02.2014 †
Варта ведаць (20)
Актуальна - Варта ведаць
• Група тэолагаў Кангрэгацыі па справах кананізацыі прызнала цудоўнае аздараўленне праз заступніцтва Джавані Баціста Манціні – Паўла VI. Аднак гэты мяркуемы цуд павінен яшчэ быць даследаваны і ацэнены, пасля чаго яго павінен зацвердзіць Папа. Аздараўленне адбылося ў Каліфорніі на пачатку 90-х гг. ХХ ст., калі маладая жанчына насуперак парадам урачоў вырашыла нарадзіць дзіця, у якога былі выяўлены праблемы з мозгам, даверыўшы гэтую сітуацыю заступніцтву Паўла VI. Дзіця нарадзілася здаровым, але абнародаванне ўсёй гэтай справы было адкладзена на некалькі гадоў, пакуль дзіця не падрасло, каб канчаткова можна было сцвердзіць адсутнасць наступстваў праблем з перыяду цяжарнасці і гэтым самым пацвердзіць цудоўнае аздараўленне. Вывучэннем гэтай сітуацыі займаецца Апостальская Сталіца. †
Наступныя артыкулы...
Старонка 191 з 300:
Літургічны каляндар
Адзначаем
імяніны: | |
Да канца года засталося дзён: 240 |
Чакаем Вашай падтрымкі
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.